خطايى ، على اكبر
392
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
خدمتلرى انجق بربرلرينه مكتوب و خبرى ايصال ايتمكدر سكجو شهرندن قمجو شهرينه وارنجه طقوز منزل ايدى . قمجو شهرى سكجو شهرندن بيوك و معمور اولوب و آنك راچى كه سرحد محافظلرينك بيوكيدر . شهر مزبورك حاكمى ايدى هر منزلده ايلچيلر ايچون درتيوز اللى يورغه آت و قاطر و اللى آلتمش عربه كوندرر ايدى . آنلره مؤكل اولان خدمتكارلره باقو و قاطرلره تعيين اولنانلره لوقو و عربهلرى چكنلره جينفو دير لر . ذكر اولنان جينفولر عربه لره ايپلر باغلايوب هر عربهيى اون ايكيسى اوموزلريله چكرلر . و هر نقدر زحمتلى و ياغمور اولسه ينه زور و قوت ايله چكوب منزلدن منزله ايصال ايدرلر . ذكر اولنان خدمتكارلرك اكثريسى خوش لقا جوانلر اولوب قولاقلرينه ختايده ياپيلان ساخته اينجولر طاقمشلر . و صاچلرينى باشلرينك اورتاسنده دوكون ايدوب باغلامشلر ايدى . مزبور باقولر قمچى ايله اكرلى و ديزكنلى آتلر كتوروب بر منزلدن بر منزل آخره وارنجه خراسان ديارينك پيكلرى كبى كيدرلر ايدى . هر منزلخانهده معين اولان قويون و قاز وقوش و پرنج و اون و بال و سركه ايله پرورده اولنمش سير و پياز و سائر سركه ايله ياپلمش اوتلردن ماعدا ، هر شهره و اريلدقده ايلچيلره مخصوص ضيافتخانه واردر آكاروسون ديرلر و بو ديوانخانهنك اوكى پادشاهلرينك تختكاهى اولان خان بالق طرفنهدر